گونش لرین گونشی
آدی گونش دن اوجالمیش؛آدی یولون سراجی
گؤزللیگی ایله اولوبدور؛گؤزل لیگین آماجی
پولادلی پنجره سیندن؛شفاکانی یوخ اینان!
وئریب شفا بئله درده؛او درد کی یوخ علاجی
بو یئرده شاه اودور آمما؛دئیین منه کینیه؟
ندندی زائری نینده؛باشیندا واردی تاجی؟!
حرمدن الچکه بیلمیر؛گؤیرچینین اورهیی
نیه کی عشقه دادانمیش؛بو قوشلارین مزاجی
گئدنده مکهیه وارلی؛کاسیب گلر مشهده!
اونون زیارتی ایله؛فاغیرلار اولموشحاجی
رئوف آقا اورهییمده؛غمیم الیمده نیاز
یاپیش بو زائر الیندن؛سنه وار احتیاجی
گونشلره گونش اولموش؛ایشیق ساچاندا آدی-
آدی گونش دن اوجالمیش؛اولوب یولون سراجی
بهزاد بیات فرد
___
تعداد آرا : 2 | مجموع امتیاز : 4 از 5
نظر 1
امیر عاجلو 17 فروردین 1401 13:54
سلام ودرود