گول‌باخی

ارسال شده در تاریخ : 04 فروردین 1400 | شماره ثبت : H9415507

گول‌باخی

ته‌مام حسرت و هوس
فقط تویی هرچی تو کس
ئرای تو کیشم من نفس
یی روژ نکیشی لیم تو ده‌س
گلباخیگه‌ی وقتی به‌هار

تو هه‌ور ئاسمان که‌وی
روشن‌گری، مانگه شه‌وی
شیرین زوان، نیور چه‌وی
خرامان جور آهو ده‌وی
رحمی بکه وه منه زار

تره و تازه جوره وه‌هار
ته‌ک داره‌گه‌ی ناو حصار
بالاگه‌د به‌رز جوره چنار
ترش و شیرینی ئه‌ی هه‌نار
کم حرص من دی تو درار

گل و گه‌لای قه‌ی داره‌گان
خورشید و نیور ئاسمان
نازاره‌گه‌ی کل کرماشان
شیرین دم و شیرین زوان
نیرم ئراد صورو قه‌رار

دنیا وه سه‌ر تو کیده جه‌نگ
له سه‌ر تو بن ده‌س وه تفنگ
ئه‌گر بکی تو شوخ و شنگ
زیباترین، حوری، قه‌شه‌نگ
ئی باعث هه‌ر کارو و بار

تو نیور نیور مانگ و خور
وقتی که چیده وه در
وه پنجره و دیوار و ده‌ر
چویلن که بونه ته‌ر
له سه‌ر فراق تلخ یار

بالاگد به‌رزه جور په‌راو
عشقت محال جور سراو
خه‌نه‌ت مه‌س‌ که‌ی جوره شراو
جه‌رگ و دلم بیسه کواو
وه ده‌سی تو بالا چنار

زنبق و یاس و سوسنی
وقتی بسی تو گلونی
مرم،که‌فه‌م، بوم مردنی
وقتی وه میل تو مه‌خه‌نی
شیرین تر وه هرچی هه‌نار

آلوچه دم، چه‌و بایه‌می
فرشته‌یی یا ئایه‌می؟!
وه کل جهان سه‌رمایه‌می
داره به‌رزه په‌ر سایه‌می
وه ده‌س نچی ای سایه‌سار

#سعید_فلاحی (زانا کوردستانی)